11.5 C
Tirana
E shtunë, 24 Shkurt, 2024
More
    spot_img
    spot_img

    Jeta e Elsa Lilës: Nga Sanremo, te ndarja nga bashkëshorti e përfshirja në grupin kriminal!

    Elsa Lila u arrestua këtë të mërkurë nga policia italiane së bashku me 12 persona të tjerë pasi ishte pjesë e një grupi trafikimi droge. Sipas mediave, aktiviteti koordinohej në një lokal lojërash fati që kishte grupi në Acilia të Romës, i cili menaxhohej nga këngëtarja.

    Përpara këtij lajmi që ka qarkulluar ditën e sotme, Elsa ka qenë gjithmonë një nga këngëtaret më të dashura për publikun, e cila u ngjit në skenë kur ishte adoleshente në 1996 dhe fitoi Festivalin e RTSH.

    Suksesi për Elsën vazhdoi edhe në Itali, ku ajo preku skenën e madhe të Festivalit të Sanremos me këngën “Valeria” në vitin 2003. Në vitin 2007 këngëtarja mori pjesë sërish me këngën “Il senso della vita”, dhe që atëherë jeta e artistes ka vijuar në Romë.

    Elsa është nënë e një vajze 10-vjeçare të quajtur Evita. Kohë më parë në një intervistë të rrallë për jetën private, këngëtarja tregoi se ndodhej me partnerin e saj në Madagaskar, ku dhe zbuloi se ishin në pritje të fëmijës së tyre të parë. Ajo tregoi gjithashtu për herë të parë se partneri i saj ishte italian dhe quhej Alessandro. Por sipas burimeve mësohet se lidhja e këngëtares dhe babait të vajzës së saj ka përfunduar kohë më parë.

    Elsa herë pas here është rikthyer për publikun shqiptar në vendin e saj, duke marrë pjesë në projekte të ndryshme. Kujtojmë prezantimin e Festivalit të RTSH për 3 net.

    Këngëtarja ka pasur një jetë të vështirë në fëmijëri dhe adoleshencë. Ajo në 1997 humbi tragjikisht të ëmën, violinisten e njohur Eva Vishaj, humbje të cilën ajo e ka vuajtur shumë.

     

    spot_imgspot_img

    Lajmet e fundit