Një fotografi romantike e publikuar nga moderatorja Kiara Tito së bashku me bashkëshortin Luiz Ejllin ka marrë vëmendje të madhe në rrjetet sociale, duke bërë që ndjekësit të nisin menjëherë komentet dhe hamendësimet e tyre.
Ajo që ka tërhequr më shumë sytë e publikut ka qenë gjesti i Luizit, i cili shfaqet me dorën mbi barkun e Kiarës. Ky detaj i vogël ka mjaftuar që shumë fansa të çiftit të pyesin nëse kjo mund të jetë një shenjë për ndonjë zhvillim të ri në jetën e tyre.
Megjithatë, deri tani as Kiara dhe as Luizi nuk kanë bërë asnjë deklaratë apo konfirmim zyrtar për këto aludime. Postimi i moderatores është shoqëruar vetëm me disa simbole që përcjellin një ndjesi të ëmbël dhe romantike, pa dhënë detaje të tjera.
Çifti u bë i njohur për publikun gjatë eksperiencës së tyre në “Big Brother VIP Albania”, ku lidhja e tyre nisi dhe u kthye shpejt në një nga historitë më të komentuara të spektaklit. Që prej asaj kohe, Kiara dhe Luizi kanë vazhduar të jenë në qendër të vëmendjes së fansave dhe mediave rozë.
Ndërkohë, mbetet për t’u parë nëse aludimet e fundit do të shoqërohen me ndonjë lajm të ri nga çifti.