Ditën e sotme do t’i jepet lamtumira e fundit mbretëreshës Elizabeth II, monarkes më jetëgjatë në Angli e cila qëndroi në fron për 70 vite me radhë.
Qyteti i Kukësit ka vendosur ta nderojë ndryshe mbretëreshën duke vendosur para pallatit të Kulturës bustin e saj.
Nuk dihet kush ka qenë ideator dhe realizues i kësaj vepre ndërkohë që një gjest i tillë në nder mbretëreshës është paralajmëruar edhe nga qyteti i Hasit.
Pas ndarjes nga jeta të mbretëreshës, bashkia e Hasit shprehu ngushëllimet më të thella për këtë humbje duke e lidhur figurën e saj me shumë të rinj nga ky qytet që kanë emigruar drejt Britanisë së Madhe ndër vite.
