Ish-finalisti i “Big Brother VIP Albania”, Miri, ka bërë deklarata të forta gjatë një interviste në “Top Albania Radio”, ku komentoi marrëdhëniet e krijuara brenda shtëpisë më të famshme në Shqipëri.
Ai u ndal veçanërisht te dy çiftet Selin-Gimbo dhe Mateo-Brikena, për të cilët tha se po e përdorin romancën si mënyrë për të qëndruar në qendër të vëmendjes edhe pas përfundimit të spektaklit.
Sipas Mirit, lidhjet e tyre nuk duken krejtësisht spontane, por më tepër si një strategji e menduar mirë për interes personal dhe ekspozim publik.
Gjatë intervistës, ai foli edhe për raportin me Selin, duke treguar se pas daljes nga BBVA nuk kanë komunikuar më me njëri-tjetrin. Megjithatë, ai theksoi se nuk ka hatërmbetje dhe se do ta përshëndeste normalisht nëse do të takoheshin rastësisht.
Miri pati kritika edhe për Mateon, të cilin e cilësoi si një nga banorët më pak autentikë të këtij sezoni. Sipas tij, historia mes Mateos dhe Brikenës është përdorur si brenda shtëpisë, ashtu edhe jashtë saj, për të tërhequr vëmendje dhe për të qëndruar në fokusin e publikut.