Armaldo Kllogjeri është një nga ish-banorët e këtij sezoni të BBV më të suksesshëm dhe që arriti të fitonte shumë fansa gjatë qëndrimit në shtëpinë më të famshme në Shqipëri. Një artist me një humor të veçantë, Armaldo bëri shumë zhurmë gjatë edhe pas qëndrimit të tij në BBV.
Së fundmi Armaldo ka zhvilluar një koncert në Shkodër ama ka qenë surprizuese për Maestron fakti se fansat e Luizit nuk e kanë lënë aspak rehat, pasi kanë nisur të thërrasin njëzëri emrin e Luizit në përfundim të performancës.
Armaldo e ka marrë me sportivitet situatën, duke i drejtuar mikrofonin e tij, e duke i kërkuar të thërrasin më fort. Më pas Maestro dëgjohet duke thënë:
“Mirë, mirë mjafton. Kush ka ndonjë pyetje për Big-un ta thotë tani”.
