18.5 C
Tirana
E enjte, 28 Mars, 2024
More
    spot_img
    spot_img

    Noteri sqaron intervistën për Luizin: Deklarata ime është nxjerrë jashtë kontekstit

    Fatmir Laçej, nënkryetar i Dhomës Kombëtare të Noterëve, ka reaguar pas intervistës së dhënë për “Big Brother VIP Fan Club”. Në një postim në rrjete sociale, ai sqaron arsyen e dhënies së intervistës dhe vë në dukje që deklarata e tij është nxjerrë jashtë kontekstit.

    “Të dashur fansa të Luizit,

    E ndiej të domosdoshme të bëj një sqarim. Qëllimi im në intervistën e dhënë ka qenë pozitiv, të nxjerr në pah vlerat e Luizit dhe të sqaroj marrëdhëniet e tij me ushtrimin e profesionit të noterit.

    “Në intervistën time, kam theksuar se në momentin e ndarjes së licencave në Ministrinë e Drejtësisë, kam dhënë disa porosi për të gjithë të licencuarit. Të gjithë i pritën mirë, por ishte Luizi që më ndaloi dhe më përgëzoi e falenderoi për këshillat e dhëna dhe në sytë e këtij djaloshi, unë pashë entuziazmin, pasionin e përgjegjësinë për detyrën e re që po merrte”, shkruan ai.

    “Big Brother VIP Fan Club” publikoi një intervistë me ish-kryetarin e Dhomës së Noterëve të Tiranës, Artan Treska, ku thuhej se Luizi e “e ka përdorur kartën e sëmundjes edhe më herët”. Në vijim të bisedës së Treskës, u publikua një intervistë e shkurtër me noterin Fatmir Laçej i cili fliste për arsyen e heqjes së licencës.

    Por ky i fundit, ka sqaruar në një postim Instagram:

    “Po ashtu, kam theksuar se gjatë ushtrimit të detyrës, Luizi si noter nuk ka pasur aspak probleme. Kam sqaruar se Luizit i është hequr licenca nga Ministria e Drejtësisë vetëm për faktin se për një periudhë të përsëritur 60 ditore, nuk e ka mbajtur zyrën hapur, gjë që është në kundërshtim me nenin 63 të ligjit “Për Noterinë”.

    Po ashtu kam theksuar se në komunitetin tonë, ne kemi shquar Luizin si një djalë simpatik, që ndjellte gëzim në çdo mjedis tonin. Intervista ime ishte e gjatë, me pyetje-përgjigje dhe nuk e kuptova përse ishte reduktuar në 2-3 fjali dhe për të tepër, në vazhdim të qëndrimit të intervistës së dhënë nga i intervistuari i mëparshëm.

    “Është e drejtë e redaksisë të televizionit të reduktojë intervistën, ashtu siç është e drejta ime të paraqes atë ashtu siç e kam dhënë,” përfundon ai.

    spot_imgspot_img

    Lajmet e fundit