Mjaftoi një fjali e vetme e Gimbos që rrjeti të shpërthente në aludime. Gjatë një interviste televizive, ai foli për mënyrën se si disa personazhe publike e përdorin jetën private për të tërhequr vëmendje, ndërsa deklarata e tij u lidh menjëherë me ish-mikun e tij brenda shtëpisë më të famshme në vend, Mateo.
“Ne nuk bëjmë drama për show apo ndarje për vëmendje”, u shpreh Gimbo, pa përmendur emra konkretë.
Megjithatë, ndjekësit nuk e kanë konsideruar këtë thjesht si një koment të përgjithshëm. Shumë prej tyre besojnë se fjalët e tij ishin një thumbim i tërthortë ndaj Mateos, duke marrë parasysh zhvillimet e fundit që kanë përfshirë këtë të fundit dhe partneren e tij.
Deklarata ka sjellë reagime dhe diskutime të shumta në rrjetet sociale, ku përdoruesit kanë ngritur pikëpyetje mbi marrëdhënien mes dy ish-miqve dhe mesazhin që Gimbo mund të ketë dashur të përcjellë.
Nga ana tjetër, Mateo nuk ka reaguar deri tani ndaj aludimeve. Për momentin mbetet e paqartë nëse Gimbo kishte në shënjestër një person konkret apo nëse deklarata e tij ishte vetëm një qëndrim i përgjithshëm ndaj ekspozimit të marrëdhënieve në publik.