Moderatorja Grida Duma dhe deputeti socialist Eduard Shalsi janë përfshirë në debat mbrëmjen e djeshme, teksa në emisionin “Top Story” flitej për protestën e opozitës, në ditën e 26-të të saj, kur mijëra qytetarë marshonin si çdo mbrëmje në rrugët e Tiranës.
Teksa fliste, Shalsi i tha moderatores se ajo nuk mund të pretendonte të përfaqësonte gjithë opinionin publik, por përkundrazi, ishte një zë nga opinioni publik në atë studio.
Grida Duma u përgjigj menjëherë, duke i thënë politikanit socialist se përmes emisionit të saj, ajo ballafaqonte përfaqësuesit e qeverisë me shqetësimet e përditshme të njerëzve, të cilat i kanë detyruar edhe të dalin prej rreth një muaji në rrugë.
Grida Duma: Artikulimi im është shumë larg për t’u kapur, Shalsi, që qenka gabim nëse unë them që përfaqësoj opinionin publik.
Eduard Shalsi: Po ngadalë mo ngadalë, të thuash unë përfaqësoj opinionin publik është gjë e madhe. Nuk ua ka dhënë njeri atë atribut
Grida Duma: Kam detyrë, nuk jam zë, jam opinion publik këtu me ty
Eduard Shalësi: Jo, përfaqësoni zë… keni koncepte të gabuara
Grida Duma: Unë delegoj shqetësimet e njerëzve, kurse ju shqetësimet për qeverisjen. Reflektoni ju përpara protestuesve, jo të reflektojmë ne konceptin
Eduard Shalsi: Je gabim komplet
Grida Duma: Unë nuk e di çfarë ke mbaruar. Çfarë ke mbaruar Shalësi, çfarë profesioni ke?
Eduard Shalsi: Unë kam mbaruar për Biologji – Kimi
Grida Duma: Unë kam mbaruar Filozofi mik i dashur dhe konceptin e qaj më mirë sesa ti