Kur dukej se debatet e Big Brother VIP i përkisnin së shkuarës, një intervistë dhe një postim në Instagram mjaftuan që dramat të riktheheshin.
Gjithçka nisi pas paraqitjes së Greta Kazazit në rubrikën “Kaq” të emisionit Top Arena, ku u intervistua nga Brikena Selmani. Gjatë bisedës, Brikena riktheu në vëmendje disa momente nga koha e reality show-t, duke përmendur videot ku Greta, Shëndriti, Selin dhe Gimbo diskutonin për të.
Në vijim, ajo e pyeti Gretën nëse edhe sot, pas përfundimit të formatit, vazhdojnë të flasin për të.
Greta zgjodhi një qasje disi më ndryshe, duke refuzuar të përgjigjej po aq hapur sa u pyet. Ajo u shpreh se secili është i fokusuar te projektet dhe angazhimet e veta, ndërsa shtoi se ruan respekt si për Brikenën, ashtu edhe për të gjithë ish-banorët, duke theksuar se loja tashmë i përket së shkuarës. Thënë ndryshe, për të ajo që ndodhi në Big Brother, mbeti aty.
Por drama nuk u mbyll me aq.
Pak pas transmetimit të intervistës, Selin publikoi në Instagram një postim që fliste për çrregullimin e personalitetit narcisist dhe mënyrën se si mund të përballet një person me këtë çrregullim.
Postimi shoqërohej edhe me një koment ironik:
“Kam faj unë që kam TV dhe rrjete sociale, që ato që më humbin në TV, mi nxjerr Zoti në IG. Gjithsesi.”
Edhe pse Selin nuk përmendi asnjë emër, momenti i publikimit bëri që shumë ndjekës ta interpretonin postimin si një mesazh të tërthortë ndaj Brikena Selmanit.