Aktori i “Portokalli”, Rezart Veleshnja, tregoi në një intervistë për “Top Arena” se nuk flet me moderatoren Fjoralba Ponari.
E pyetur nga moderatorja Alesia Bami se me kë nuk flet në “Portokalli”, ai u përgjigj:
“Që s’flas? Fjoralba Ponari, nuk flas. Ja ta them unë që edhe portalet neser të marrin ca lekë.”
Portalet nuk i marrin lekët nga kjo që thotë Rezarti, por sidoqoftë është tjetër çështje kjo. Rikthehemi te arsyeja pse nuk flasin. “Nuk i flas se nuk më flet,” shtoi ai.
Aktori nuk zbuloi të tjera detaje, por ne mendojmë se e dimë arsyen. Në qershor të një viti më parë, ai foli me lëvdata për ish-moderatoret e “Portokallisë” asokohe, Xhemi Shehun dhe Eneda Tarifën.
“Nuk do vinë më moderatore si Xhemi Shehu dhe Eneda Tarifa. Iku koha e vlerave, është koha e antivlerave dhe e… Kishin sy në skenë dhe ishin plot sharm,” shkroi Veleshnja.
“E pazëvendësueshme, profesioniste dhe mall për ty,” shkroi ai për Xhemin. Kujtojmë se asokohe, Fjoralba moderonte “Portokallinë”.
