Arrestohet në Tiranë Denis.T 30 vjeç, i njohur si dhunuesi i shumë vajzave në kryeqytet. Policia bën me dije se 30 vjeçari është arrestuar për plagosje të lehtë me dashje.
Ai ka rënë në prangat e policisë pas një kallëzimi të bërë nga një 26 vjeçare dhe një 29 vjeçare, banuese të dyja në Rrugën e Bogdanëve.
Vajzat, të cilat janë motra, kanë deklaruar se 30 vjeçari i ka goditur me grushte pa arsye po në këtë rrugë, rast i cili është bërë publik dhe në rrjete sociale.
I riu jeton në rrugën “Myslym Shyri” dhe jo pak herë ka dhunuar vajza që shikon vetëm në rrugë, në orët e vona të natës.
Por edhe pse kishte pase 8 denoncime më parë, ai nuk ishte arrestuar.
Vetëm bërja publike e këtij rasti në rrjetet sociale, ka detyruar policinë ta arrestojë.