Qytetarja Shqipe Jovani e cila u përplas me një nga qytetarët në mbledhjen e reformës territoriale është shprehur e penduar për mënyrën e komunikimit, duke theksuar se ishte një shpërthim momenti.
Në reagimin e saj të bërë së fundmi në lidhje me situatën që u bë virale në rrjet, Jovani thotë se me ato fjalë iu drejtua një qytetari dibran i cili sipas saj ishte simpatizant i PD-së dhe i ka kërkuar asaj që të pushojë.
Ndërsa thekson se ajo është bërë pishman për reagimin e pahijshëm për të cilin është komentuar negativisht në rrjet.
“Jam bërë pishman se si i jam drejtuar popullit, po se Edi Rama ka punuar këtë nuk e vë në diskutim dhe nuk bëhem pishman kurrë. Se ne gratë bëjmë çik si kështu, nuk e maj mend të plotë se çfarë i kam thënë dhe kujt.
Qytetarin nuk e mbaj mend me të thënë të drejtën por ne di që ishte një simpatizant i PD-së. Nga Dibra më duket se ishte se më tha një fjalë si kështu: Mbylle gojën, ndaj i thashë qepe ti se po flas unë.
Nuk është në edukatën time të shprehem ashtu, nuk janë në respektin që unë kam karshi njerëzve. Ai më ndërpreu fjalën dhe unë e thashë nga nxitimi, e thashë në moment. Jam bërë pishman se nuk e kam të drejtë e as në edukatë të flas ato fjalë” tha qytetarja në një lidhje telefonike për “Shqipëria Live”.
Më tej ajo tregoi se dhe 4 fëmijët e saj, të cilët i ka rritur e vetme në këtë jetë pasi ajo humbi bashkëshortin në një moshë të re, janë prekur nga situata e krijuar duke nënvizuar sërish se ajo nuk është një person i tillë.
“Secili ka mënyrën e vetë, por mënyra se si më kanë ofenduar, se si kanë folur për mua, janë mesazhe që i kanë prekur fëmijët e mi. Siç e thashë unë jam një zonjë e nderuar, jam kryefamiljare kam rritur 4 jetimë, e kurrë në jetën time nuk jam ofenduar në mënyrë të tillë dhe kjo më ka ofenduar më së shumti” tha qytetarja Shqipe Jovani.
Reagimi i plotë i qytetares, Shqipe Jovani: Jam bërë pishman se si i jam drejtuar popullit, po se Edi Rama ka punuar këtë nuk e vë në diskutim dhe nuk bëhem pishman kurrë. Se ne gratë bëjmë çik si kështu, nuk e maj mend të plotë se çfarë i kam thënë dhe kujt.
Qytetarin nuk e mbaj mend me të thënë të drejtën por ne di që ishte një simpatizant i PD-së. Nga Dibra më duket se ishte se më tha një fjalë si kështu: Mbylle gojën, ndaj i thashë qepe ti se po flas unë.
Nuk është në edukatën time të shprehem ashtu, nuk janë në respektin që unë kam karshi njerëzve. Ai më ndërpreu fjalën dhe unë e thashë nga nxitimi, e thashë në moment. Jam bërë pishman se nuk e kam të drejtë e as në edukatë të flas ato fjalë.
Çfarë të thanë fëmijët?
Fëmijët janë prekur shumë nga komentet negative që kam marrë në rrjet.
Unë jam anëtare e Partisë Socialiste, që nga viti ’91. Që kur ka qenë kryetari i parë, Fatos Nano. Secili që është anëtar i një partie ka arsyet e veta, unë nuk jam kundra se pse ata janë demokratë e unë socialiste.
Secili ka mënyrën e vetë, por mënyra se si më kanë ofenduar, se si kanë folur për mua, janë mesazhe që i kanë prekur fëmijët e mi.
Siç e thashë unë jam një zonjë e nderuar, jam kryefamiljare kam rritur 4 jetimë, e kurrë në jetën time nuk jam ofenduar në mënyrë të tillë dhe kjo më ka ofenduar më së shumti.