Kolegjet dhe universitetet në të gjithë SHBA-në kanë nisur një ‘Javë Seksi’ përpara ditës së Shën Valentinit, me qëllim zgjerimin e horizontit të studentëve të tyre. Një gamë e gjerë seminaresh dhe ngjarjesh janë planifikuar për shtatë ditët e ardhshme duke filluar nga 7 shkurti.
Organizatorët u bënë krijues, duke dalë me emra si ‘Condom Bingo’, ‘SEXtravaganza’ dhe ‘Freaky Friday: A Beginner’s Guide to Pleasure’, për të përmendur vetëm disa nga sloganet.
Kolegji Hood në Frederick, Maryland i ka kushtuar vëmendje të veçantë çështjeve me të cilat përballen personat transgjinorë, me një ngjarje të quajtur ‘Mësoni udhëtimet riprodhuese të njerëzve trans dhe jobinarë’ që ndihmon studentët të mësojnë më shumë.
Në Universitetin Tulane në Neë Orleans, Luiziana java ka të bëjë me tema si ‘poliamoria dhe jomonogamia etike’. Një tjetër ngjarje e quajtur ‘Bingo Seksi’ po i ndihmon studentët ‘të përfshihen në biseda rreth seksualitetit dhe të mësojnë rreth praktikave më të sigurta të seksit, anatomisë seksuale, sjelljes dhe preferencave seksuale dhe kënaqësisë’.
Në Universitetin Shtetëror të Ohajos, studentët po inkurajohen të ‘kujdesen për veten’ në një seminar kushtuar ‘masturbimit dhe vetëeksplorimit’. Një ngjarje tjetër synon t’i prezantojë të rinjtë me ‘të gjitha gjërat, dominimin, nënshtrimin, sadizmin, mazokizmin, fetishin’ dhe një mundësi ‘për të përdorur një shumëllojshmëri lodrash dhe pajisjesh’.
‘Javët e seksit’ me tematika të ngjashme janë mbajtur çdo vit në shumë universitete në të gjithë SHBA-në që nga fillimi i viteve 2010. Ngjarje të tilla nuk janë të panjohura për polemika dhe debate publike.
Për shembull, disa vite më parë ligjvënësit konservatorë e cilësuan ‘Javën e Seksit’ në Universitetin e Tenesit një ‘turp kombëtar’, me liderët legjislativë që kërkonin një raport nëse fondet shtetërore ishin përdorur për ta organizuar atë.
