Një efektiv i Policisë së Rendit në Devoll është gjobitur me shumën 30 mijë lekë të reja nga “Rrugorja” pasi qarkullonte me automjet pa pasur dokumentacionin e rregullt dhe pa patentë.
Bëhet fjalë për efektivin Roland Hibo nga radhët e komisariatit të Devollit. Rasti i tij u denoncua në media sociale nga Brrylli Brodway, teksa kishin postuar dhe një video të Hibos, i cili urdhëronte efektivët të vendosnin gjoba për automjetet e parkuara gabim.
Mesa duket pas këtij denoncimi ka reaguar Policia Rrugore, të cilët kanë ndaluar Roland Hibon dhe kanë konstatuar shkeljet, nga mungesa e siguracionit të automjetit e deri tek përfundimi i lejes së qarkullimit.
