Protesta e qytetarëve para Kryeministrisë ka sjellë dhe një incident mes protestuesve dhe një te reje, e cila në momentin që mori mikrofonin falënderoi kryeministrin Edi Rama për arritjet e deritanishme.
E reja tha se sot shqiptarët duhet të dinë që të gjitha këto që shohim janë arritje e qeverisë Rama, ndërsa i kërkoi këtij të fundit që të shohë situatën me syrin e një artisti.
“Ne nuk kërkojmë të ikësh, por të falënderojmë për ngritjen e Shqipërisë që jemi të sigurt që të tjerët nuk do e bënin. Je i pandalshëm dhe i paprekshëm, por situatën duhet ta shohësh në syrin e një artisti që je”, u shpreh protestuesja.
Menjëherë kanë reaguar qytetarët e pranishëm duke i kërkuar të largohet menjëherë dhe të mos flasë më.
