Edhe pse kanë kaluar disa javë nga finalja e ‘Big Brother VIP’, Ilir Shaqiri po feston akoma fitoren. Ai udhëtoi së fundmi drejt Italisë pas disa muajsh, ku mori një surprizë të këndshme. Bashkëshortja e tij, Emanuela Morini ka organizuar një festë të madhe për balerin me të ftuar VIP.
Ka qenë vetë balerini që ka ndarë momente nga festa ndërsa shihet duke kërcyer bashkë me gruan dhe me të bijën, Emily. Të ftuar ishin mjaft figura të njohura të italisë, si artisti dhe koreografi Zinna Piero, sportistja Roberta Sodero apo edhe Kiko Nalli, artisti që kuron imazhin e VIP-ave italianë.
Në festë ishte gjithashtu balerini Andrea Evangelista, gazetari i njohur Andrea Iannuzzi ndërsa Giada Nobile ishte këngëtarja që krijoi një atmosferë të këndshme me interpretimin e saj.
