Papa Richy, një gjysh 80-vjeçar, i cili absolutisht e adhuron Dua Lipën, u bë viral në TikTok pasi familja e tij i dha bileta për koncertin e Duas. Por gëzimi në fytyrën e tij nuk ishte asgjë në krahasim me reagimin për surprizën e dytë të madhe që mori.
Jimmy Fallon, i cili ftoi Dua Lipën në “The Tonight Show” për episodin e radhës, e “gënjeu” Papa Richy-n duke e bërë të mendonte se po e çonte në një emision radiofonik, kur ai në fakt po dilte në skenën e drejtuesit të talk-show për të përmbushur ëndrrën e tij: të kërcente me Duan.
Teksa dilte, Papa i thotë audiencës: “Duhet të kërcej me Duan!”
Mbesa e Papa Richy, fillimisht e surprizoi gjyshin e saj në ditëlindjen e tij të 80-të me biletat e koncertit të Dua Lipa dhe postoi pamjet e reagimit të tij në TikTok në tetor. Dua Lipa e shpërndau gjithashtu reagimin.
“Është një video kaq e bukur. Më bëri të lumtur”, tha ajo për Fallon.
Video origjinale e Bernstein deri më tani ka grumbulluar miliona shikime në TikTok.