21.5 C
Tirana
E mërkurë, 22 Maj, 2024
More
    spot_img
    spot_img

    Yahoo Travel: A duhet të jetë Shqipëria në listën tuaj të udhëtimeve?

    Për shumicën e udhëtarëve amerikanë millennial dhe Gen-Z*, Shqipëria nuk është destinacioni i parë që do të merrnin parasysh kur planifikojnë një pushim.

    Shqipëria hapi dyert për turizmin në vitin 1990 dhe specialistët e udhëtimit e quajnë atë si perlë e fshehur e Mesdheut. Thënë kjo, a duhet vërtet Shqipëria të jetë në listën tuaj të udhëtimeve?

    Ngre pyetjen kështu editorja e turizmit pranë Yahoo Travel, e cila në nisje në sezonit veror rrethon hartën tonë mes gjithë destinacioneve botërore që turistët amerikanë mund të konsiderojnë.

    Sipas këtij artikulli, Shqipëria ka shumë çka të ofrojë për udhëtarët dhe eksploruesit që kërkojnë të përjetojnë diçka të re. E vendosur në jug të Malit të Zi, Shqipëria është një destinacion kryesor për brigjet piktoreske, kulturën e pasur, arkitekturën unike dhe ushqimin e shijshëm.

    Me kështjellat e saj mesjetare, plazhet thuajse të paprekura dhe peizazhin e marrë nga përrallat, Shqipëria u rendit në listën e vendeve më të mira për të udhëtuar në Lonely Planet për vitin 2023.

    Megjithatë, pavarësisht vlerësimeve virtuale, vendi ka parë një rënie të vazhdueshme të mundësive ekonomike duke bërë që vendasit të largohen.

    Ndërsa numri i vizitorëve po rritet, disa ekspertë ngrenë pyetjen nëse industria e turizmit mund ta ndihmojë Shqipërinë të shmangë një krizë emigracioni.

    Përdorimi i turizmit si një gur themeli

    Ekspertët e udhëtimeve sugjerojnë që Shqipëria të përdorë turizmin si një hap për të nxitur ekonominë e vendit.

    Ka shumë shembuj të kombeve në mbarë botën që ndjekin të njëjtin model. Në vitin 1951, Greqia nisi një fushatë të madhe të projektuar për të ndërtuar dhe lehtësuar infrastrukturën turistike në mbarë vendin. E udhëhequr nga Organizata Kombëtare Greke e Turizmit, nisma u ndërmor në bashkëpunim me arkitektët, dizajnerët dhe zhvilluesit më të mirë për të kuruar një imazh të ri për t’u prezantuar udhëtarëve.

    I njohur si Projekti i Hoteleve Xenia, kjo nismë e shndërroi Greqinë në një pikë të nxehtë udhëtimi në Mesdhe. Nga fundi i viteve 1960, norma vjetore turistike e vendit u rrit me 1098 për qind.

    Ashtu si Greqia, edhe Mali i Zi, ka filluar të bëjë ndryshime të ngjashme për të përfituar nga turizmi. Që nga rivendosja e shtetësisë së tij në 2006, vendi ka filluar të pozicionohet si një vend i preferuar i udhëtimeve në gadishull.

    Gjatë dekadave të fundit, Mali i Zi ka riinvestuar fonde në mundësitë e tij turistike si dhe ka organizuar shfaqje për disa nga emrat më të mëdhenj të argëtimit. Udhëtimi dhe turizmi tani përbëjnë 25 për qind të PBB-së së vendit, sipas Administratës Ndërkombëtare të Tregtisë.

    Me Shqipërinë në listën e Lonely Planet, ka të ngjarë të fokusohet në radarët e më shumë turistëve. Megjithatë, teksa vizitorët e huaj po rriten, vendi përballet me një problem tjetër: mungesa e punëtorëve për shkak të emigracionit.

     A është Shqipëria ‘qendra’ e ardhshme e udhëtimit mesdhetar?

    Edhe nëse Shqipëria do të ishte qendra e ardhshme e udhëtimit mesdhetar, vendi është përballur me një krizë emigracioni. Aktualisht, Shqipëria është një nga vendet më pak të vizituara në Evropë. Mungesa e mundësive, parave dhe burimeve ka bërë që shumë nga të rinjtë të largohen.

    Disa vende në fshat konsiderohen qytete fantazmë, ndërsa të tjera si Kukësi kanë parë se gjysma e popullsisë së tyre largohet për mundësi më të mira. Në rrethanat aktuale, hotelet shqiptare thonë se do të kenë nevojë për 35 për qind më shumë staf për të akomoduar turistët gjatë sezonit të pikut, sipas Programit të Kombeve të Bashkuara për Zhvillim.

    Ekspertët shpresojnë se industria mund të frymëzojë më shumë shqiptarë që të qëndrojnë dhe të zhvillojnë një industri të freskët. Të pasura me të gjitha rregullimet e nevojshme për një arratisje si ëndrra në bregdet, udhëtarët presin të shohin se çfarë rezervon industria e turizmit shqiptar për sezonin veror të udhëtimeve.

    * Të lindurit midis fillimit të viteve 1980 dhe fundit të viteve 1990

    * Gen-Z, brezi i ri i lindur nga viti 1997 deri në 2012

    spot_imgspot_img

    Lajmet e fundit