Pak javë pasi konfirmoi se është në pritje të ëmbël, Dafina Zeqiri ka zbuluar edhe gjininë e bebit të saj të dytë me partnerin, Kreshnik Gjergji.
Këngëtarja ndau disa momente të ëmbla në Instagram, duke i kthyer story-t në një mini “gender reveal” familjar. Në një nga fotot, Dafina, Kreshniku dhe djali i tyre, Daskan, shfaqen përpara një torte dhe disa tullumbacesh ku shkruhet “It’s a boy/ girl?”, duke lënë të kuptohet se familja po festonte zbulimin e gjinisë së bebit nr. 2.
Ndërsa në një tjetër foto, i vogli Daskan shihet pranë tullumbaces blu me mbishkrimin “It’s a boy”, duke konfirmuar kështu se Dafina është në pritje të një djali tjetër.
Kujtojmë se lajmin për shtatzëninë, Dafina e ndau gjatë koncertit të saj në Tiranë në kuadër të turit “Supernova”, ku u shpreh:
“Kam performuar veti i dytë.”
Në korrik të vitit 2025, Dafina dhe Kreshniku u bënë prindër për herë të parë me ardhjen në jetë të Daskanit, ndërsa shumë shpejt familja e tyre do të zgjerohet edhe me një tjetër djalë.
