Egli Tako ka reaguar me anë të një postimi në Instagram pas daljes së papritur nga shtëpia e “Big Brother VIP” për arsye shëndetësore.
Ajo ka ndarë një mesazh të ndjerë, duke shprehur pasigurinë dhe boshllëkun e brendshëm që po ndjen.
“Më keni pyetur shumë si jam. Ndonjëherë pyes dhe veten si jam. Dhe nuk e di si ndihem.
Unë vetëm e di që kam një boshllëk brenda meje. Dhe nëse shikoj brenda vetes shoh ngjyrën e zbrazëtisë. Është diçka e çuditshme.
Ndonjëherë shpëtoj veten dhe ndonjëherë nuk mundem. Thjesht e di në këto momente kam nevojë të ndjej ngrohtësinë e përqafimeve nga familjarët dhe miqtë e mi”, ka shkruar ajo.
