Loredana Brati ka folur hapur për jetën e saj personale gjatë një interviste në “Top Albania Radio”, ku ka sqaruar si fundin e lidhjes me Jozin ashtu edhe thashethemet që e kanë lidhur me Gjestin.
Ish-banorja e “Big Brother VIP Albania” tregoi se marrëdhënia me Jozin u përball me vështirësi menjëherë pas përfundimit të spektaklit, për shkak të tensioneve dhe situatave të krijuara pas daljes nga shtëpia. Sipas saj, ndarja ishte një vendim i përbashkët dhe nuk ka më mundësi rikthimi mes tyre.
Loredana zbuloi se, megjithëse Jozi kishte marrë pjesë në festën e ditëlindjes së saj pas BBVA-së, raporti i tyre kishte nisur tashmë të ftohej. Ajo theksoi se të dy kanë pasur pjesën e tyre të përgjegjësisë në dështimin e lidhjes.
Gjatë intervistës, Loredana reagoi edhe ndaj aludimeve se kishte qëndruar në të njëjtën vilë me Gjestin. Ajo mohoi kategorikisht çdo takim apo afrim mes tyre, duke shpjeguar se ndodheshin në të njëjtin vend në periudha të ndryshme dhe se kjo është vërtetuar edhe përmes provave të publikuara.
Ajo iu përgjigj gjithashtu deklaratave të Xhenetës, duke thënë se kishte tentuar ta sqaronte situatën privatisht, por pa rezultat. Pavarësisht kësaj, Loredana u shpreh se ruan respekt për Gjestin dhe i uron suksese në rrugëtimin e tij.