31.5 C
Tirana
E enjte, 25 Korrik, 2024
More
    spot_img
    spot_img

    Shuplaka që tronditi çmimet Oscar

    Aktori Will Smith fitoi çmimin e parë Oscar në karrierë, ndonëse pak minuta para marrjes së çmimit, goditi me shuplakë prezantuesin e çmimeve, komedianin Chris Rock, duke zbehur kështu arritjen më të madhe të karrierës së tij.

    53-vjeçari u ngjit në skenë dhe goditi komedianin, i cili sapo kishte bërë një batutë për kokën e rruar të gruas së Smith, Jada Pinkett Smith.

    Jada ka disa vite që vuan nga rënia e flokëve dhe duket se Will Smith nuk e pranoi një shaka të tillë.

    Pasi e goditi, Smith iu drejtua sërish Rock-ut me fjalët: “Mos e përmend fare gruan time”.

    Pasi iu dorëzua çmimi si aktori më i mirë, për interpretimin e Richard Williams, babait të kampioneve të tenisit, Venus dhe Serena Williams, në filmin “King Richard”, Will Smith kërkoi falje për gjestin e tij, por jo ndaj Chris Rock.

    “I kërkoj ndjesë të pranishmëve në sallë dhe kolegëve të mi. Dashuria të bën që të bësh çmenduri”, tha Smith.

    Gazetarëve në ceremoni nuk iu lejua që të bënin pyetje mbi shuplakën.

    Policia e Los Angeles njoftoi se Chris Rock nuk ka ngritur padi, por është gati që të hetojë nëse do të ketë një padi ndaj aktorit 53-vjeçar, fitues i çmimit Oscar.

    Fillesat e konfliktit

    Publiku u shokua gjatë mbrëmjes së çmimeve Oscar nga goditja me shuplakë që Will Smith i bëri prezantuesit Chris Rock, i cili kishte komentuar gruan e aktorit 53-vjeçar, disa minuta më parë.

    Të gjithë u habitën nga ky gjest i papritur përpara syve të qindra milionë njerëzve, por kjo nuk ishte hera e parë që Will Smith konfliktohet me komedianin Chris Rock. Në fakt, “fërkimet” mes tyre kanë 5 vjet që kanë nisur.

    Kur po prezantonte çmimet Oscar të vitit 2016, Chris Rock bëri për herë të parë një batutë mbi gruan e Smith, Jada Pinkett Smith, duke u tallur me faktin që ajo bojkotoi ceremoninë për shkak se bashkëshorti i saj nuk u nominua për rolin në filmin “Concussion”.

    “Jada u nxeh, tha që nuk do të vijë në ceremoni. Bojkotimi i mbrëmjes Oscar nga ana e Jadas është njësoj sikur unë të bojkotoj një natë me Rihanna. As nuk jam i ftuar në një natë të tillë”, thoshte atëherë Chris Rock.

    Komediani i hodhi benzinë zjarrit me një koment në rrjetet sociale, në vitin 2018, ku foli për martesën e mëparshme të Will Smith, i cili i kishte uruar ditëlindjen ish-gruas së tij, Sheree Zampino.

    “Uau, ke një grua shumë të mirëkuptueshme”, shkruante Chris Rock si përgjigje ndaj urimit të ditëlindjes që Smith kishte bërë.

    Ndërsa dje, 53-vjeçari Will Smith u ngjit në skenë dhe goditi komedianin, i cili sapo kishte bërë një batutë për kokën e rruar të gruas së Smith, Jada Pinkett Smith.

    “Mezi po pres për filmin GI Jane 2”, tha Rock, duke iu referuar filmit të famshëm, ku Demi Moore interpreton e qethur shumë shkurt.

    Jada ka disa vite që vuan nga rënia e flokëve dhe duket se Will Smith nuk e pranoi një shaka të tillë.

    spot_imgspot_img

    Lajmet e fundit