Kengo Kuma and Associates u shpall fituese e Konkursit Ndërkombëtar mes 4 studiove të arkitekturës për hartimin e projektit për Qendrën e Vizitorëve në Parkun Kombëtar të Butrintit.
Për qasjen unike arkitekturore në krijimin jo thjesht të një objekti, por të një porte hyrëse në pasurinë e Butrintit, me një pamje të mrekullueshme dhe krijimin e një hapësire publike takimi për komunitetin lokal dhe turistët, mes katër studiove finaliste:
- Kengo Kuma & Associates (Japoni)
- Lahdelma & Mahlamäki Architects (Finlandë)
- Philippe PROST / AAPP (Francë)
- William Matthews Associates (Mbretëria e Bashkuar)
juria përzgjodhi si fituese studion Kengo Kuma & Associates (Japoni).
Procesi i seleksionimit dyfazësh u organizua nga Malcolm Reading Consultants në bashkëpunim me Ministrinë e Kulturës së Shqipërisë dhe Fondacionin për Menaxhimin e Butrintit. Konkursi u financua nga Fondacioni Shqiptaro-Amerikan për Zhvillim The ADF.
