Noizy ka treguar disa nga momentet e pathëna mbi “Alpa Show”, koncertin madhështor që bëri bashkë adhuruesit e muzikës. Por, ndërkohë që pjesëmarrësit në koncert kërcyen, kënduan, u argëtuan, emocionet e Noizy-t ishin të përziera dhe shpeshherë reperi pranoi se ka shpërthyer edhe në lot.
“Vitet do kalojnë, por sa herë vjen gushti, më kujtohet gjithmonë “Alpha Show 1”. Më kujton adrenalinën, një ndjesi e bukur…vështirësitë që pati, organizimin në ato lloj përmasash, skenën e madhe, sfidat për të bërë bashkë 21 kolegë. Por të gjithë e pritën shumë mirë dhe u bënë pjesë e një trupi për ta bërë “Alpha Show” një traditë të kulturës Hip Hop”.
Më tej, shtoi:
“Mbaj mend që kam shpërthyer në lot 3-4 herë, në backstage. E pashë dashurinë që njerëzit treguan dhe thashë që paskan nevojë për pak zhurmë”.
Ndërkohë që gushti po afrohet, “Alpha Show” do të vijojë traditën, duke ardhur sërish pranë adhuruesve të muzikës Hip Hop, më 4 gusht, në sheshin “Nënë Tereza”.
Noizy premton se koncerti i radhës do të jetë “100 herë më elektrizues” dhe ne jemi të bindur se ai do ta mbajë premtimin.
