Nga Adriatik Doçi
Të fala Dan Hutrës dhe Joe Walsh, Doktor!
Pas shpalljen non grata për korrupsion nga SHBA-të je kthyer në gjobëvënësin më të madh në Shqipëri, ku kërcënon biznesmenët, duke i detyruar të shkojnë të paguajnë tek Shkëlzeni.
Do emra?
Edhe Shkëlqim Devollin e detyrove të paguajë tek TV Zeni (me fatura) pasi e kërcënove në dhjetor.
Artan Dulakun pse nuk e akuzon më? Po sepse paguan tek TV Zeni 7 milionë lekë çdo muaj.
Janë mbi 50 biznesmenë që u ke vënë gjobë. Nëse do, t’i rreshtoj me emra dhe fatura.
Si ka mundësi që të gjithë biznesmenët që dolën në dosjen e Arben Ahmetajt, paguajnë Zenin tënd?!
Ndaj sot të iku llapa kur një gazetar të pyeti për biznesmenët që u doli emri si kamuflues të pasurive të Tigrit.
Si ka mundësi që emri i Shkëlzenit del në privatizime, del tek Gërdeci, del tek dosja CEZ?
Po të gërmosh edhe pak, do t’a gjesh edhe tek inceneratorët. Nëse nuk e beson pyet Tigrin!
Dhe ajo videoja me të cilën të kërcënoi Ilir Meta në vitin 2015, ku shfaqet Shkëlzeni me Fahri Balliun duke bërë pazare me pasuritë publike në zyrën e ministrit Dritan Prifti, për të cilën the kur e pe ‘ç’më bëri budallai’, është në disa duar.
Fatmirësisht unë rrija shpesh me Baba Takun asokohe.
Edhe një herë, të fala Dan Hutrës!