19.5 C
Tirana
E mërkurë, 19 Qershor, 2024
More
    spot_img
    spot_img

    Rama ndërton lulishte me emrin e babait të Miçotaqisit, komentuesit: Nesër do të të kërkojnë edhe sheshin

    Kryeministri Edi Rama përpiqet të çojë mesazhe bashkëjetese, çiltërsie dhe paqeje, përtej kufirit, në Greqi, aty ku politikanët vendas prej disa muajsh tashmë i janë khyer retorikës së egër me kërcënime dhe shantazhe ndaj Shqipërisë dhe shqiptarëve.

    Ndërkohë që jo më larg se dje kryeministri grek Qirjako Miçotaqis deklaroi se marrëdhëniet Shqipëri-Greqi po përmbysen, dhe kërcënoi me bllokimin e integrimit në BE, Rama ka zgjedhur t’i përgjigjet me një tjetër mënyrë.

    Ai ka shpërndarë në Facebook sheshin që po ndërton “Rilindja Urbane” në fshatin minoritar të Derviçanit në Dropull. Aty do të vendoset edhe busti i babait të kryeministrit grek që sot kërcënon të ardhmen e popullit shqiptar.

    “Kantieri i Rilindjes Urbane në zemër të Derviçanit, qendrës së bashkisë së Dropullit, e cila do të mbajë emrin e Konstandinos Mitsotakis, kryeministrit të parë grek që vizitoi minoritetin pas rënies së komunizmit”, shkruan Rama.

    Sakaq, nuk kanë munguar komentet thumbuese për këtë situatë. Dikush i shkruan Ramës se sot vuri një emër grek në një shesh në tokën shqiptare, por duhet të tregojë kujdes se nesër grekët ngrenë pretendime territoriale mbi atë shesh.

    spot_imgspot_img

    Lajmet e fundit